နှစ်နှစ်ခြိုက်ခြိုက် အိပ်ပျော်နေသော သူမနားထဲသို့ တိုးညင်းသော အသက်ရှုသံ ဖွဖွလေးက အိပ်မက်ထဲမှာလိုလို ကြားနေရသည်။ သူမ အိပ်မက်မက်နေသည်လား။ ထိုအသက်ရှုသံကို အိပ်မက်ထဲမှာ ကြားနေရတာလား၊ အပြင်မှာ တကယ် ကြားနေတာလား ဝေခွဲမရ ဖြစ်နေမိသည်။ မိမိကိုယ်ကိုလဲ အိပ်ပျော်နေသည်လား နိုးနေသည်လား မသေချာ ။ အိပ်တစ်ဝက်နိုးတစ်ဝက် ဖြစ်နေတာဖြစ်မည်။ သူမလက်က ဘေးနားက ဖက်လုံးကို တငးတင်း ဆုပ်ကိုင်လိုက်ကာ မိမိကိုယ်ကိုယ် အိပ်ရာက နိုးလာအောင် ပြန်နိုးယူလိုက်ရသည်။ အိပ်မက်၏ အပြင်ဘက် လက်ရှိ သူမအခန်းလေးထဲသို့ စိတ်၊ခန္ဓာတစ်ခုလုံး ပြန်ရောက်ချိန်မှာ မျက်လုံးကို ဖွင့်ကြည့်လိုက်တော့ တစ်ခန်းလုံး မဲမှောင် တိတ်ဆိတ်လို့နေသည်။ မအိပ်ခင်က သူမ အခန်းမီးကို ပိတ်ထားခဲ့သည်ဘဲ။ သို့သော် အိပ်မက်ထဲမှာ ကြားရသည်ဟု ထင်နေခဲ့သော အသက်ရှုသံ တိုးဖွဖွက အပြင်မှာ တကယ်ကိုကြားနေတာ ဖြစ်ကြောင်း သူမ သိသွားသောအခါ ကြက်သီးမွေးညှင်းများ ထောင်ထသွားအောင် လူတစ်ကိုယ်လုံး ဖျင်းကနဲ ဖြစ်သွားတော့သည်။ ဟုတ်ပါ့မလား ဆိုသောစိတ်ဖြင့် သေချာ နားစိုက်ထောင်လေ ထိုအသက်ရှုသံတိုးတိုးလေးက ပိုသိသာလေ။ သူမနားထဲ သဲသဲကွဲကွဲ ပိုကြားရလေ ဖြစ်လာသည်။
“ဘုရားရေ” ဒါဟာ တကယ်ပါဘဲ… အိပ်မက်ထဲမှာ ကြားနေရတာ မဟုတ်ဘဲ၊ အပြင်မှာ တကယ်ကို ကြားနေရတာပါလား .. သူမ အခန်းထဲမှာ ဘယ်လိုအရာဆီက အသက်ရှုသံ ထွက်ပေါ်နေတာပါလိမ့်။အမြဲတမ်း တံခါးတွေကို သေသေချာချာ အလုံပိတ်ပြီးမှ တစ်ယောက်တည်း အိပ်တတ်သော သူမ အခန်းထဲသို့ သက်ရှိတစ်ကောင်တစ်လေမှ ၀င်ရောက်နိုင်ဖွယ် မရှိပါ။ သို့သော် သေချာတာက အသက်ရှုသံ တိုးတိုးလေးက တကယ်ကို ကြားနေရတာဘဲ ဖြစ်သည်။ ကြားနေရသော အသက်ရှုသံက ခြေရင်းလောက်ဆီမှ ထွက်ပေါ်နေတာ ဖြစ်ပြီး အမှောင်ထဲမှာ သူမ ခေါင်းလေးကို မသိမသာထောင်၍ အားစိုက်ကြည့်မိသော်လည်း ဘာကိုမှ မမြင်နိုင်လောက်အောင် မဲမှောင်လို့နေသည်။ သူမ ခြေဖျား၊ လက်ဖျားများလည်း အေးစက်လို့လာသည်။ အိမ်ကလူတွေ ကြားအောင် အော်ဟစ်လိုက်ရမည်လား စဉ်းစားမိသေးသည်။ သို့သော် ထိုသို့ အော်လိုက်တုန်း ယခုအသက်ရှုသံ ထွက်ပေါ်လာနေသော အရာဆီမှ သူမကို တစ်ခုခု လုပ်လိုက်လေမည်လား ဆိုတာကို စဉ်းစားမိပြန်တော့ အသံပင် မထွက်ရဲချေ။ ပြီးတော့ သူမ အော်လိုက်ရင်လည်း အိမ်ကလူတွေ ရုတ်တရက် ချက်ခြင်းနိုးဖို့က မသေချာပြန်။ ဒီချိန်ဆို အားလုံး အိပ်မောကျနေလောက်ပေပြီ။
သူမအခန်းထဲ လူတစ်ယောက်ယောက်များ ၀င်နေတာလား။ တွေးမိပြန်တော့ တုန်လှုပ်စိတ်ဖြင့် ချွေးစေးများပင် ပြန်စပြုလာသည်။ အခန်းထဲမှ ထိုသူသည် သူမ အသက်အန္တရာယ်ကို ရန်ရှာဖို့လား။ ပစ္စည်းလိုချင်တဲ့သူလား။ ကယ်တော်မူပါ။ သူမ ဘာလုပ်ရမှာပါလိမ့်။ ဒီပုံအတိုင်း မိုးလင်းအောင် ထိုင်စောင့်နေရမည်လား။ အိုး.. ဒီအသက်ရှုသံ ထွက်ပေါ်နေသော တစ်စုံတစ်ယောက်ရှိနေတာ သေချာသည့် ဒီအခန်းထဲ ဘယ်လိုနည်းနဲ့ မနက်မိုးလင်းချိန်ထိ သူမ စောင့်နေနိုင်ပါ့မလဲ။ အခန်းမီးကို ဖွင့်လိုက်ချင်သော်လည်း မီးခလုပ်က ကုတင်နှင့် ခပ်လှမ်းလှမ်းမှာမို့ ထိုနေရာထိ ရောက်အောင် သွားဖို့က ကုတင်ပေါ်မှ ဆင်းရမည်။ ထိုသို့ ကုတင်ပေါ်မှ ဆင်းလိုက်လို့ သူမဆီက လှုပ်လှုပ်ရှားရှား အသံကြားလျှင် ထိုအသက်ရှုသံ ထွက်နေသော အရာက သူမကို တစ်ခုခု မလုပ်ဘူးလို့ ဘယ်သူက ပြောနိုင်ပါ့မလဲ။ သူမ ကုတင်နားတစ်ဝိုက်တွင် မီးခြစ်လို၊ အင်မာဂျင်စီလိုက်လို အရာမျိုးလည်း တစ်ခုမှ ယူမထားမိ။ သူမဆီက တစ်စုံတစ်ရာ အသံထွက်သွားမည်စိုး၍ အိပ်ပျော်ရာမှ နိုးထလာသော ပက်လက် အနေအထားအတိုင်း တစ်လက်မမျှပင် မလှုပ်ရှားရဲဘဲ ငြိမ်နေရသဖြင့် တစ်ကိုယ်လုံးပင် တောင့်တင်းလာသည်။
ထူးဆန်းတာက အသက်ရှုသံ ထွက်ပေါ်နေသော အရာမှာ လှုပ်ရှားမှုတစ်စက်မျှ ရှိဟန်မတူ။ အသက်ရှုသံ မှန်မှန်သာ ထွက်ပေါ်နေသော်လည်း အခြားဘာသံမှ မကြားရသည့်ပြင် ၄င်းအသံမှာ သူမကုတင်ခြေရင်း တစ်နေရာတည်းမှ ငြိမ်သက်စွာ ထွက်ပေါ်နေခြင်းဖြစ်သည်။ ကြည့်ရသည်မှာ သူမ နိုးနေမှန်းသိသောကြောင့် ငြိမ်သက်စွာ ပုန်းနေခြင်းလား.။ သို့တည်းမဟုတ် သူမ လှုပ်ရှားမှုကို တိတ်ဆိတ်စွာ စောင့်ကြည့်နေခြင်းလား မသိနိုင်ပြန်။ ကြောက်ရွံ့မှုက လူတစ်ကိုယ်လုံးကို အေးခဲစေမတတ် ဖြစ်စေကာ အာခေါင်များပင် ခြောက်သွေ့အက်ကွဲလာသည်ဟု သူမ ထင်သည်။ အိုး ဘာဘဲဖြစ်ဖြစ် ဒီအတိုင်း ငြိမ်နေမည်ဆိုလျှင် ကြောက်တာနှင့် အသက်ပါသွားလိမ့်မည် ထင်သည်။ တစ်ခုခုလုပ်မှ ဖြစ်တော့မည်။ ဘာလုပ်ရမည်လဲ။ မီးခလုတ် ပြေးဖွင့်ရမည်လား၊ အော်ဟစ်လိုက်ရမည်လား။ စဉ်းစားရင်းမှ သူမ ဘာလုပ်ရမည် ဆိုတာကို သိသွားတော့သည်။
သူမ ခန္ဓာကိုယ်ကို အသံမမြည်အောင် ဖြေးဖြေးလေး ကြွလိုက်ပြီး ခြေထောက်၂ဖက်ကို ကုတင်အောက်သို့ အသာအယာ ချလိုက်သည်။ ခြေထောက် ၂ဖက်လုံး ကုတင်အောက် ရောက်ပြီး၊ တစ်ကိုယ်လုံး ခြေထောက်ပေါ် အားပြုလို့ရတာနှင့် အခန်းတံခါးရှိရာကို တန်းပြီးပြေးတော့သည်။ မမြင်ရအောင် မဲမှောင်နေသော်လည်း သူမ အမြဲ နေလာသော အိပ်ခန်း၏ နေရာ အနေအထား အားလုံး သူမ အလွတ်ရနေပြီးသား ဖြစ်သည်။ အခန်းတံခါးပေါက် ရောက်တာနှင့် လက်ကိုင်ကို ဆွဲဖွင့်ကာ တံခါးကို ပြန်ဆောင့်ပိတ်ခဲ့ပြီး သူမ မောင်လေး၂ယောက် အိပ်သောအခန်းသို့ ပြေးကာ တံခါးကို သွားထုသည်။ သူမ မိဘများ အခန်းတံခါးကိုလည်း ထုသည်။ အပြင်မှ အသံအကျယ်ကြီးဖြင့်လည်း အော်နိုးသည်။ သူမ တံခါးထုသံ၊ အော်သံများကြောင့် တစ်အိမ်လုံး အထိတ်တလန့် နိုးလာကြရလေသည်။ အိမ်ရှိ ထမင်းချက် ဒေါ်ကြီးအေးနှင့် အိမ်အကူ မိလုံးတို့ပါမကျန် အားလုံး အိပ်မှုန်စုန်မွားဖြင့် နိုးထလာကြကာ သူမကို ဘာဖြစ်တာလဲ ဟု ၀ိုင်းမေးကြလေသည်။ အဖြစ်အပျက်ကို မောကြီးပန်းကြီး သူမ ရှင်းပြသောအခါ အားလုံးက ထိတ်လန့် အံ့အားသင့်စွာ စဉ်းစားကြလေသည်။ အပြင်လူ မ၀င်နိုင်အောင် လုံခြုံလှသော သူတို့အိမ်ထဲသို့ ဘယ်လိုသူစိမ်း၊ သို့မဟုတ် သူခိုးက ၀င်ရောက် နေနိုင်ပါနည်း။
မောင်နှစ်ယောက်က ဧည့်ခန်းနံရံမှာ အလှချိတ်ထားသော ငွေဓါးနှစ်လက်ကို သွားဆွဲယူလာသလို ဖေဖေကတော့ အင်မာဂျင်စီလိုက်နှင့်အတူ သူ့လက်ကိုင်ဖုန်းကို ယူလာသည်။ တစ်ခုခုဆို ချက်ခြင်း ဖုန်းကောက်ဆက်ဖို့ ဖြစ်နိုင်သည်။ ဒေါ်ကြီးအေးက အ၀တ်လျှော်တုတ်ကို သွားယူလာကာ မိလုံးကတော့ ကြက်သွန်လှီးသည့် ဓါးအသေးလေးကို ယောင်ယောင်ကန်းကန်း ဆွဲယူလာခဲ့သည်။ လူအစုကြီးဖြင့် သူမ အခန်းရှိရာကို ချီတက်ကြပြီး အခန်းတံခါးကို ဆွဲဖွင့်လိုက်ကာ မီးခလုပ်ကို မောင်လေးအငယ်မှ သွားဖွင့်လိုက်ကာ သူမအခန်းထဲကို လှည့်ပတ် ရှာဖွေကြတော့သည်။ ကုတင်ခြေရင်းဘက် ရောက်သွားတော့ မောင်လေး ဆီမှ “ဒီမှာ ဒီမှာ လာကြည့်စမ်းပါဦး” ဟု အသံထွက်လာသောအခါ ထိုနေရာသို့ အားလုံး အပြေးအလွှားရောက်သွားပြီး ကြည့်လိုက်သောအခါတွင်တော့ သူမ ကုတင်ပေါ်မှ ပြုတ်ကျနေသော စောင်ပေါ်တွင် အကျ တက်အိပ်ကာ အသက်မှန်မှန်ရှုရင်း အိပ်ပျော်နေသော “ကြောင်တစ်ကောင်”။
“ ဟင်. ဒါ ဟိုဘက်အိမ်က ကြောင်မ ရွှေဝါလေးဘဲ ” ဒေါ်ကြီးအေးထံမှ အသံထွက်လာသည်။ “ဟိုဘက်အိမ်က ကြောင်က ဘယ်လိုလုပ် သမီးအခန်းထဲ ရောက်နေတာလဲ” သူမက မကျေမနပ် မေးတော့ “ညနေက ထမင်းစားခန်းရှေ့ကနေ သူ ဖြတ်သွားတာတော့ တွေ့လိုက်တယ် .. ဒေါ်ကြီးလဲ သူ့အိမ်သူ ပြန်သွားပြီ ထင်နေတာ လက်စသပ်တော့ သမီးအခန်းထဲ ရောက်နေတာကိုး.. ” ထိုအခါမှ အားလုံးလည်း သက်ပြင်းချနိုင်ပြီး ရယ်ရယ်မောမောဖြစ်ကာ သူမကို စနောက်ကြတော့သည်။ သူမကြောင့် တစ်အိမ်လုံးလည်း အိပ်ပျက်သွားရပြီ မဟုတ်ပါလား။ အစောတုန်းကတော့ ကြောက်လွန်း၍ အသက်ပင် မရှုမိအောင် ဖြစ်ခဲ့ရသော သူမမှာ ခုတော့ ဘယ်သူ့ဒေါသထွက်ရမှန်းမသိ ဖြစ်လာကာ နောက်ဆုံး အိပ်ပျော်နေသော ကြောင်ကို ဂုတ်ကနေ ကိုင်ဆွဲကာ မိလုံးလက်ထဲ ထိုးထည့်လိုက်ပြီး ဟက်ဟက်ပက်ပက် ရယ်မောမိတော့သည်။
“ဘုရားရေ” ဒါဟာ တကယ်ပါဘဲ… အိပ်မက်ထဲမှာ ကြားနေရတာ မဟုတ်ဘဲ၊ အပြင်မှာ တကယ်ကို ကြားနေရတာပါလား .. သူမ အခန်းထဲမှာ ဘယ်လိုအရာဆီက အသက်ရှုသံ ထွက်ပေါ်နေတာပါလိမ့်။အမြဲတမ်း တံခါးတွေကို သေသေချာချာ အလုံပိတ်ပြီးမှ တစ်ယောက်တည်း အိပ်တတ်သော သူမ အခန်းထဲသို့ သက်ရှိတစ်ကောင်တစ်လေမှ ၀င်ရောက်နိုင်ဖွယ် မရှိပါ။ သို့သော် သေချာတာက အသက်ရှုသံ တိုးတိုးလေးက တကယ်ကို ကြားနေရတာဘဲ ဖြစ်သည်။ ကြားနေရသော အသက်ရှုသံက ခြေရင်းလောက်ဆီမှ ထွက်ပေါ်နေတာ ဖြစ်ပြီး အမှောင်ထဲမှာ သူမ ခေါင်းလေးကို မသိမသာထောင်၍ အားစိုက်ကြည့်မိသော်လည်း ဘာကိုမှ မမြင်နိုင်လောက်အောင် မဲမှောင်လို့နေသည်။ သူမ ခြေဖျား၊ လက်ဖျားများလည်း အေးစက်လို့လာသည်။ အိမ်ကလူတွေ ကြားအောင် အော်ဟစ်လိုက်ရမည်လား စဉ်းစားမိသေးသည်။ သို့သော် ထိုသို့ အော်လိုက်တုန်း ယခုအသက်ရှုသံ ထွက်ပေါ်လာနေသော အရာဆီမှ သူမကို တစ်ခုခု လုပ်လိုက်လေမည်လား ဆိုတာကို စဉ်းစားမိပြန်တော့ အသံပင် မထွက်ရဲချေ။ ပြီးတော့ သူမ အော်လိုက်ရင်လည်း အိမ်ကလူတွေ ရုတ်တရက် ချက်ခြင်းနိုးဖို့က မသေချာပြန်။ ဒီချိန်ဆို အားလုံး အိပ်မောကျနေလောက်ပေပြီ။
သူမအခန်းထဲ လူတစ်ယောက်ယောက်များ ၀င်နေတာလား။ တွေးမိပြန်တော့ တုန်လှုပ်စိတ်ဖြင့် ချွေးစေးများပင် ပြန်စပြုလာသည်။ အခန်းထဲမှ ထိုသူသည် သူမ အသက်အန္တရာယ်ကို ရန်ရှာဖို့လား။ ပစ္စည်းလိုချင်တဲ့သူလား။ ကယ်တော်မူပါ။ သူမ ဘာလုပ်ရမှာပါလိမ့်။ ဒီပုံအတိုင်း မိုးလင်းအောင် ထိုင်စောင့်နေရမည်လား။ အိုး.. ဒီအသက်ရှုသံ ထွက်ပေါ်နေသော တစ်စုံတစ်ယောက်ရှိနေတာ သေချာသည့် ဒီအခန်းထဲ ဘယ်လိုနည်းနဲ့ မနက်မိုးလင်းချိန်ထိ သူမ စောင့်နေနိုင်ပါ့မလဲ။ အခန်းမီးကို ဖွင့်လိုက်ချင်သော်လည်း မီးခလုပ်က ကုတင်နှင့် ခပ်လှမ်းလှမ်းမှာမို့ ထိုနေရာထိ ရောက်အောင် သွားဖို့က ကုတင်ပေါ်မှ ဆင်းရမည်။ ထိုသို့ ကုတင်ပေါ်မှ ဆင်းလိုက်လို့ သူမဆီက လှုပ်လှုပ်ရှားရှား အသံကြားလျှင် ထိုအသက်ရှုသံ ထွက်နေသော အရာက သူမကို တစ်ခုခု မလုပ်ဘူးလို့ ဘယ်သူက ပြောနိုင်ပါ့မလဲ။ သူမ ကုတင်နားတစ်ဝိုက်တွင် မီးခြစ်လို၊ အင်မာဂျင်စီလိုက်လို အရာမျိုးလည်း တစ်ခုမှ ယူမထားမိ။ သူမဆီက တစ်စုံတစ်ရာ အသံထွက်သွားမည်စိုး၍ အိပ်ပျော်ရာမှ နိုးထလာသော ပက်လက် အနေအထားအတိုင်း တစ်လက်မမျှပင် မလှုပ်ရှားရဲဘဲ ငြိမ်နေရသဖြင့် တစ်ကိုယ်လုံးပင် တောင့်တင်းလာသည်။
ထူးဆန်းတာက အသက်ရှုသံ ထွက်ပေါ်နေသော အရာမှာ လှုပ်ရှားမှုတစ်စက်မျှ ရှိဟန်မတူ။ အသက်ရှုသံ မှန်မှန်သာ ထွက်ပေါ်နေသော်လည်း အခြားဘာသံမှ မကြားရသည့်ပြင် ၄င်းအသံမှာ သူမကုတင်ခြေရင်း တစ်နေရာတည်းမှ ငြိမ်သက်စွာ ထွက်ပေါ်နေခြင်းဖြစ်သည်။ ကြည့်ရသည်မှာ သူမ နိုးနေမှန်းသိသောကြောင့် ငြိမ်သက်စွာ ပုန်းနေခြင်းလား.။ သို့တည်းမဟုတ် သူမ လှုပ်ရှားမှုကို တိတ်ဆိတ်စွာ စောင့်ကြည့်နေခြင်းလား မသိနိုင်ပြန်။ ကြောက်ရွံ့မှုက လူတစ်ကိုယ်လုံးကို အေးခဲစေမတတ် ဖြစ်စေကာ အာခေါင်များပင် ခြောက်သွေ့အက်ကွဲလာသည်ဟု သူမ ထင်သည်။ အိုး ဘာဘဲဖြစ်ဖြစ် ဒီအတိုင်း ငြိမ်နေမည်ဆိုလျှင် ကြောက်တာနှင့် အသက်ပါသွားလိမ့်မည် ထင်သည်။ တစ်ခုခုလုပ်မှ ဖြစ်တော့မည်။ ဘာလုပ်ရမည်လဲ။ မီးခလုတ် ပြေးဖွင့်ရမည်လား၊ အော်ဟစ်လိုက်ရမည်လား။ စဉ်းစားရင်းမှ သူမ ဘာလုပ်ရမည် ဆိုတာကို သိသွားတော့သည်။
သူမ ခန္ဓာကိုယ်ကို အသံမမြည်အောင် ဖြေးဖြေးလေး ကြွလိုက်ပြီး ခြေထောက်၂ဖက်ကို ကုတင်အောက်သို့ အသာအယာ ချလိုက်သည်။ ခြေထောက် ၂ဖက်လုံး ကုတင်အောက် ရောက်ပြီး၊ တစ်ကိုယ်လုံး ခြေထောက်ပေါ် အားပြုလို့ရတာနှင့် အခန်းတံခါးရှိရာကို တန်းပြီးပြေးတော့သည်။ မမြင်ရအောင် မဲမှောင်နေသော်လည်း သူမ အမြဲ နေလာသော အိပ်ခန်း၏ နေရာ အနေအထား အားလုံး သူမ အလွတ်ရနေပြီးသား ဖြစ်သည်။ အခန်းတံခါးပေါက် ရောက်တာနှင့် လက်ကိုင်ကို ဆွဲဖွင့်ကာ တံခါးကို ပြန်ဆောင့်ပိတ်ခဲ့ပြီး သူမ မောင်လေး၂ယောက် အိပ်သောအခန်းသို့ ပြေးကာ တံခါးကို သွားထုသည်။ သူမ မိဘများ အခန်းတံခါးကိုလည်း ထုသည်။ အပြင်မှ အသံအကျယ်ကြီးဖြင့်လည်း အော်နိုးသည်။ သူမ တံခါးထုသံ၊ အော်သံများကြောင့် တစ်အိမ်လုံး အထိတ်တလန့် နိုးလာကြရလေသည်။ အိမ်ရှိ ထမင်းချက် ဒေါ်ကြီးအေးနှင့် အိမ်အကူ မိလုံးတို့ပါမကျန် အားလုံး အိပ်မှုန်စုန်မွားဖြင့် နိုးထလာကြကာ သူမကို ဘာဖြစ်တာလဲ ဟု ၀ိုင်းမေးကြလေသည်။ အဖြစ်အပျက်ကို မောကြီးပန်းကြီး သူမ ရှင်းပြသောအခါ အားလုံးက ထိတ်လန့် အံ့အားသင့်စွာ စဉ်းစားကြလေသည်။ အပြင်လူ မ၀င်နိုင်အောင် လုံခြုံလှသော သူတို့အိမ်ထဲသို့ ဘယ်လိုသူစိမ်း၊ သို့မဟုတ် သူခိုးက ၀င်ရောက် နေနိုင်ပါနည်း။
မောင်နှစ်ယောက်က ဧည့်ခန်းနံရံမှာ အလှချိတ်ထားသော ငွေဓါးနှစ်လက်ကို သွားဆွဲယူလာသလို ဖေဖေကတော့ အင်မာဂျင်စီလိုက်နှင့်အတူ သူ့လက်ကိုင်ဖုန်းကို ယူလာသည်။ တစ်ခုခုဆို ချက်ခြင်း ဖုန်းကောက်ဆက်ဖို့ ဖြစ်နိုင်သည်။ ဒေါ်ကြီးအေးက အ၀တ်လျှော်တုတ်ကို သွားယူလာကာ မိလုံးကတော့ ကြက်သွန်လှီးသည့် ဓါးအသေးလေးကို ယောင်ယောင်ကန်းကန်း ဆွဲယူလာခဲ့သည်။ လူအစုကြီးဖြင့် သူမ အခန်းရှိရာကို ချီတက်ကြပြီး အခန်းတံခါးကို ဆွဲဖွင့်လိုက်ကာ မီးခလုပ်ကို မောင်လေးအငယ်မှ သွားဖွင့်လိုက်ကာ သူမအခန်းထဲကို လှည့်ပတ် ရှာဖွေကြတော့သည်။ ကုတင်ခြေရင်းဘက် ရောက်သွားတော့ မောင်လေး ဆီမှ “ဒီမှာ ဒီမှာ လာကြည့်စမ်းပါဦး” ဟု အသံထွက်လာသောအခါ ထိုနေရာသို့ အားလုံး အပြေးအလွှားရောက်သွားပြီး ကြည့်လိုက်သောအခါတွင်တော့ သူမ ကုတင်ပေါ်မှ ပြုတ်ကျနေသော စောင်ပေါ်တွင် အကျ တက်အိပ်ကာ အသက်မှန်မှန်ရှုရင်း အိပ်ပျော်နေသော “ကြောင်တစ်ကောင်”။
“ ဟင်. ဒါ ဟိုဘက်အိမ်က ကြောင်မ ရွှေဝါလေးဘဲ ” ဒေါ်ကြီးအေးထံမှ အသံထွက်လာသည်။ “ဟိုဘက်အိမ်က ကြောင်က ဘယ်လိုလုပ် သမီးအခန်းထဲ ရောက်နေတာလဲ” သူမက မကျေမနပ် မေးတော့ “ညနေက ထမင်းစားခန်းရှေ့ကနေ သူ ဖြတ်သွားတာတော့ တွေ့လိုက်တယ် .. ဒေါ်ကြီးလဲ သူ့အိမ်သူ ပြန်သွားပြီ ထင်နေတာ လက်စသပ်တော့ သမီးအခန်းထဲ ရောက်နေတာကိုး.. ” ထိုအခါမှ အားလုံးလည်း သက်ပြင်းချနိုင်ပြီး ရယ်ရယ်မောမောဖြစ်ကာ သူမကို စနောက်ကြတော့သည်။ သူမကြောင့် တစ်အိမ်လုံးလည်း အိပ်ပျက်သွားရပြီ မဟုတ်ပါလား။ အစောတုန်းကတော့ ကြောက်လွန်း၍ အသက်ပင် မရှုမိအောင် ဖြစ်ခဲ့ရသော သူမမှာ ခုတော့ ဘယ်သူ့ဒေါသထွက်ရမှန်းမသိ ဖြစ်လာကာ နောက်ဆုံး အိပ်ပျော်နေသော ကြောင်ကို ဂုတ်ကနေ ကိုင်ဆွဲကာ မိလုံးလက်ထဲ ထိုးထည့်လိုက်ပြီး ဟက်ဟက်ပက်ပက် ရယ်မောမိတော့သည်။
လင်းမြကြည်ဖြူ
6 comments:
ဝတ္ထုတိုလည်း အရေးသွက်သားပဲ..
အားကျတယ်..ကိုယ်က အဲလိုမှ မရေးတတ်ပဲလေ.။
အင်း... တော်ပါသေးရဲ့ ... ကြောင်ဖြစ်နေလို့.....
စာရေးတာ တော်လို့လားမသိဘူး ဖတ်လို့တော့ အတော်လေး ကောင်းသား...
ဇာတ်အိမ်ထက် ကြောက်လန့်တဲ့နေရာမှာ ဖြစ်တတ်တဲ့ စိတ်အခြေအနေကို တဆင့်ချင်း ရေးသွားတာ သဘောကျမိတယ်။
သဘာဝကျကျ ရသ စာပေတွေကို ရေးနိင်စွမ်းရှိသူပါပဲ။
ရသစာပေ ဘလော့ဂ်တွေ ပိုပြီးများစေချင်တဲ့ ကျနော့် အတွက်တော့ နှစ်ခြိုက်မိတဲ့ ဘလော့ဂ်လေးပါပဲ။
အားပေးပါတယ်။
ဟူး...တော်သေးတာပေါ့ ကြောင်ကယ်ပေလို့.. ဖတ်ပြီး ပိုစိတ်လှုပ်၇ှားမိတယ်..အိမ် မှာကိုယ်လဲတစ်ယောက်တည်းနေတော့
အဲလို ခံစားချက်မျိုး ခံစား၇တယ်...
နောက်ဆုံးတော့ ကြောင်ဖြစ်နေတာကိုး
ရေးတတ်လိုက်တာ .. အစကနေ ဖတ်ရင်း အဆုံးထိအောင်ပဲ ဖတ်လိုက်တယ်၊ အသက်ရှုသံက တကယ် သရဲထင်လို့၊ နောက်တော့ကြောင်လေးဖြစ်နေတာကိုး၊ အမတစ်ယောက်အိမ်မှာ သက်ပြင်းချသံကြီးကြားကြားနေရတယ်ဆိုတာ၊ အဲဒါ ပြန်တွေးမိရင်း သရဲဝတ္ထုမှတ်နေတာ၊ တော်လိုက်တာ၊
Post a Comment